L.A. COLORS EP42 WILDFLOWERS EYESHADOW PALETTE / GIRLACTIK STAR POWDER 試色

首先想講既係, 以上兩樣野係上 MAKEUP SECRET 買野時免費送既~~

好坦白, 真係冇咩期望既, 我亦係只講真心感覺.

好估唔到, 有驚喜喎~~

L.A. COLORS 眼影 - 頭兩隻色係比較普通, 但都可以用得著既.

最估唔到係後面既粉紅, 紫紅同埋紫色, 搽左出黎真係靚, 識用既話, 係好用得著既顏色.

問題係, 免費仲要冇期待之下, 有咁既效果係好估唔到呢, 因為睇真身係唔會覺得出黎效果咁靚~

GIRLACTIK STAR POWDER - 低調既閃粉紅, 用黎做 HIGHLIGHT 一流!

持久度就暫時未知, 因為只係試色, 相信一定唔夠 THE BALM 既 PRODUCTS 持久, 但係用黎玩下色都開心啦~ 始終靚色難求, 就算係大牌子, 亦唔一定搵到驚喜既顏色! 讚! 要比幾個 LIKE 佢地先得!

NYX EYESHADOW PALETTE 眼影盤試色



有睇開 blog or youtube 既女生, 應該都唔會對 NYX 呢個牌子陌生, 佢係一個美國牌子, 但係中國制, 好多用家都話佢係易上色, 平價但係質地好既眼影.

我覺得佢既出色度都算可以, 不過對於呢個眼影盤黎講, 我最欣賞反而係佢既顏色好易襯, 平時用都好方便, 可以襯出好多個眼妝.

加上大部份都係比較 matt 既顏色, 比較岩現代用, 軟閃既眼妝, 其實已經過時, 用係舞台同 highlight 當然冇問題, 但平時用, 通常會比人覺得太閃係太濃, 唔高貴既感覺.

Balmbini Babies of Thebalm Face Palette - 眼影及面部及唇部盤試色

THE BALM 既 PRODUCTS 係聲稱唔傷皮膚既, 呢一盒係我而家經常都會用, 最愛既係佢既上色度好好, 而 DOWN BOY 胭脂色太靚, 係會上引既一隻色.

胭脂 - DOWN BOY 啞色 - 好靚既一隻色, 好 SOFT, 係一色一定會愛上既色

胭脂 - HOT MAMA 帶小小閃 - 比較鍾意用好小量做 HIGHLIGHT, 因為閃既胭脂會令毛孔睇落更明顯, 所以個人鍾意用啞色既胭脂.

眼影 - MARY LOU MANIZER - BASE 顏色, 或者做眉骨 / 鼻子 / CHEEK / C-ZONE (眼旁) 既 HIGHLIGHT, 係低調但係好好襯既顏色.

眼影 - INSANE JANE - 灰銅顏色, 用法好多, 可以單獨用, 下眼線, 加另一隻深色用.

眼影 - JEALOUS JORDANA - 墨綠色, 用法一樣好多, 可以單獨用, 上 / 下眼線, 加另一隻淺色用.

唇彩 - WANTED / TINTED GLOSS - WANTED 係一隻出奇地靚既色, TINTED GLOSS 係好淺, 近乎透明既色, 未試色之前係未用過, 估唔到咁靚.