Nivea Age Defying Q10 Plus & UV Filters Hand Cream (Anti-Wrinkle)

Nivea Age Defying Q10 Plus & UV Filters Hand Cream (Anti-Wrinkle) 100ml $36.90
Nivea Essential Care Lip Moisturizer 4.8g $22.90
@ 萬寧/屈臣氏/莎莎/卓悅/百佳等

www.nivea.com.hk

 

一向都認為 Nivea 呢個牌子係又平又有效, 之前都介紹過佢好出名既 Q10 Eyecream, 今次講講佢既 Hand Cream 同埋潤唇膏~

 

 

佢既經濟價錢加質素已經一向都係品牌既吸引之處, 同埋週圍都好易買到! 連去百佳買野, 都會順便睇下佢有d咩 products.

 

 

呢隻 hand cream, 最重要就係佢有 UVA/UVB filters!! 因為講緊既係防衰老, 班點, 減淡細紋既功效, 又點少得防曬呢~ 質地係好易推, (有時真係會買到一d比較實淨既質地既 hand cream 架) 雖然係滋潤, 但係大約1分鐘後就唔會笠, 呢點非常重要~~~ $30幾蚊一支有質素既 hand cream, 真係好值得快d買黎試~~

 

有用過 Nivea 既朋友, 唔知大家覺唔覺得 Nivea 既產品, 係有種自家既香味, 而呢隻 hand cream 都有, 不過淡d, 或者係唔想加太多香料啦~ 

 

* 睇下呢張相, 好多時大家都會忽略左一個位置好易會因為平時郁動而有細紋, 當然年輕肌膚有彈性會冇咁現啦~ 可以睇到紅圈位置有明顯既細紋喔~~

 

* 再睇下紫圈既位置, 搽左呢隻 hand cream 之後, 細紋的確有明顯減淡左, 呢個位置既細紋, 真係唔係每隻 hand cream 都可以減淡架~ 搽開手, 記住搽埋頸部呀~~ 預防一定係好重要架, 所以搽 hand cream 既習慣真係要 keep 住架~





*再睇睇潤唇膏, 都係可以減淡呢個難搞既細紋位置~ 上唇既感覺係好水好水架, 好岩帶出街補搽~

多款熱爆韓國領片裝飾 Lace Collar Accessories

多款熱爆韓國複古領片裝飾 Vintage Lace Collar Accessories

適合不同季節 不同型格

歡迎查詢現貨及訂購

2mmmakeup@gmail.com

 

 

 

 

日系複古短勾花披肩

上領圍70cm 下圍130cm 約長：24cm

 

 

 

 

#N006

長約70cm

 

#N007

長約40cm

護膚品設計?

之前提過精華既設計, 我真係覺得好緊要架, 因為一支好既精華, 朝早護理, 溝濕粉, 敷 mask 前, 夜間護理, 一日可能會用上4-5次唔出奇, 所以有d細節位係好緊要架~

其實設計對任何護膚品都超重要, 每日都要用既精華, lotion, eye cream, 防曬, 如果設計可以更加照顧到用家既需要, 就會好方便衛生啦~

今次就搵一d唔同既設計比較下啦~

上 (左至右) : 
Dr. Wu UV Whitening Cream SPF35 UVA***
~ 支裝設計好衛生, 頂部仲可以扭出, 所以做到盡量唔會浪費.
SK-II Facial Treatment UV Protection SPF25 PA++ 
~揼裝最衛生, 但係點都會有少少o係底部揼唔哂出黎.

下 (左至右) : 
SK-II Skin Signature Eye Cream
~ 開口好大, 客易有細菌, 雖然有小匙代替用手指防染污產品, 小匙亦要每次用前用後清潔, 亦要諗下小匙放邊度, 我通常會用玻璃小杯放小匙~  如果設計有位卡住小匙, 或者係揼裝, 支裝就更加好啦~  但亦有用家會覺得揼裝或支裝唔可以用盡所有產品既~

Cellbone Hydra B5+
~ 滴管式設計當然好啦, 想講既係黑色揼位好沾塵既物料, 就算點抹都仲會有塵, 或者用酒精先可以清潔得好d~扭動位都有防滑直紋~

Dr. Wu Advanced Hydrating Serum with Vitamin C
~ 都係滴管式設計, 白色揼位唔易沾塵架, 扭動位都有防滑直紋~

DreamSkin Element-100 Anti-Aging Q10 Effector Serum 
~ 呢隻韓國品牌既精華真係好好, 滴管式設計, 白色揼位唔易沾塵架, 扭動位都有防滑直紋, 再加上一個透明蓋, 好細心, 好衛生呀~

SK-II Cellumination Essence 
~ 滴管式設計, 白色揼位好易沾塵, 扭動位冇防滑直紋~

Lancome Visionnaire Advanced Skin Corrector
~ 揼裝設計, 有蓋, 好衛生, 但係樽身唔易睇到會唔會用到底~

雖然邊種設計都有好同唔好既地方, 但係始終覺得揼裝最方便衛生~

平價面膜都可以深層保濕?



最初認識彩豐行, 其實係因為佢最出名既沐浴露 --> 蔗糖特滋潤沐浴露, 因為好既產品絕對會人傳人架:P, 聽講冬天太乾燥而敏感既人, 好多人試過都work~ 試過後, 覺得呢個平價本地品牌好抵用, 玫瑰花水沐浴露仲更加正, 鍾意佢既香味同埋唔會乾~

 

之後繼續試過好多野, 佢既12杯水滋潤啫喱都唔差架, 但係當然亦有好多試完唔覺得岩用, 或者唔覺得好用既野啦~ 特別係彩妝系列就真係仲有好大既進步空間呢~

 

一個月起碼都要敷1-2次軟膜, 因為大家都知佢可以隔絕空氣, 逼精華入底層, 舒緩, 降紅, 收毛孔, 等等~ 其他時間當然都要勤力敷其他mask啦~

 

先搽底霜, 或者自己最鍾意既保濕/美白精華, 用啫喱水加入面膜粉攪拌, 試多幾次就會捉摸到要加幾多先會令軟膜易上面又唔會滴落黎~

 

眼週可以先搽 gel 或 cream 狀既 eye mask, 之後全面至頸部上軟膜粉, 太約20-25分鐘, 可以由下慢慢向上撕, 如果時間太長, 軟膜變好乾, 撕既時候就會碎開變一粒粒架, 所以最好唔過25分鐘~ 如果有少少殘留, 就用濕既洗面海棉慢慢清潔~

 

做完之後, 皮膚會好soft, 所以要緊貼用番toner, 精華, gel或cream鎖住水份~

 

Joseristine 青瓜滋養軟膜粉 60g $5

Joseristine 膠原蛋白軟膜粉 60g $5

Joseristine 金縷梅收毛孔軟膜底霜 240ml $58

Joseristine 蘆薈啫喱水(軟膜粉專用) 500ml $58

 

非常有效而有方便既蘆薈 gel~ 試過好多隻, 暫時覺得呢隻真係好好好好用~

沖涼前搽上精華, 再上呢隻 gel (放雪櫃效果最好), 用面膜掃上最方便, 沖完涼用洗面濕海棉抹走~

降紅, 保濕, 舒緩效果好好~~ 再緊貼用番toner, 精華, gel或cream鎖住水份~

 

亦可以先加 clay mask o係T字位, 再上 gel o係其他位置, 同埋薄薄加o係已上clay mask 既位置, 做埋深層清潔架~

 

Nature Republic Aloe Vera Soothing Gel 300ml 韓國買入約 HK$50 以下

 



 

 

面膜粉加入啫喱水攪拌後-->

 

超級好用既 我的美麗日記 黑珍珠 面膜 約$55一盒

 

試過好多平價 paper mask, 真係好多都又笠又保唔到濕, 有次無意中買左呢隻黑珍珠面膜, 又發現又平又好用既野呀~~

 

試過就算用之前唔搽精華, 都一樣做到保濕, 降紅, 透白!!  但係當然最好搽左精華先做啦, 因為反正都係要用時間敷, 梗係要加強效果啦:p

 

因為真係好水, 所以通常可以慢慢敷 30 分鐘, 之後再按摩, 吸收之後, 皮膚好柔軟, 又唔會笠架~  如果覺得開始乾就要取下啦, 跟住就記低時間, 如果覺得乾既時候係25分鐘後, 下次就最好20分鍾就取下啦~  其實要睇自己皮膚可以接受到敷幾耐, 如果面膜夠水, 耐少少效果會好d架, 護膚係唔會有絕對, 最緊要慢慢試出岩自己既方式, 就可以一路keep住質素好既皮膚啦~

 

如果好耐先做一次 mask, 效果一定唔持久, 唔會一直都可以 keep 住皮膚既質素, 想保持狀態既話, 唔係有咩特別事先連續敷架~  每星期最好都連續敷 4-5 日, 搵方便自己既時間, 變成一個習慣之後, 就算突然因為太忙而敷少左, 皮膚都唔會太差嘛^^

 

SK-II 星級精華,面膜, 面霜, 眼霜

SK-II 星級精華,面膜, 面霜, 眼霜

左上 :  SK-II Whitening Source Derm-Revival Mask
左下 :  SK-II Stempower & Skin Signature Eye Cream
右 :  SK-II Cellumination Essence

想先講講精華同面膜, 點解會一齊講呢, 相信好多人都會用精華打底再上面膜敷面, 除左想放大效果, 亦都可以照顧到一d paper mask 接觸唔到既位置~

呢隻精華加面膜夾埋一齊用真係好 work!!  其實我覺得係因為支精華真係好得, 因為亦試過用呢支精華加其他 mask 用, 都一樣好得, 我覺得呢支精華照顧到改變膚質, 收毛孔, 同埋透白功效, 而補水就唔係咁明顯, 但係其實有o係底層發揮緊 (點解咁講, 睇埋落去就知~) 加埋任何比較補水既 mask 就會發揮到好大既功效~

至於點解會話覺得佢有o係底部發揮緊功效呢, 因為平時都唔多用 liquid foundation, 通常只係用 toner--> serum --> UV lotion --> concealer --> translucent powder. 雖然本身我用既UV lotion 好控油, 但係我會用唔同既 serum, 想睇下有咩唔同既效果, 試過用 SK-II 呢隻 Cellumination Essence, 連 T 字位都好多個鍾後都冇因為乾而出油, 証明本身呢隻 serum 係有保濕緊~ 

呢支serum既外形係好靚, 但係用家角度黎講, 如果改改一d設計上既野會令大家用得舒服d呢~ 個蓋既銀色扭既位好易因為手仲有微濕而''冼''手, 而白色揼位既物料比較易''痴''塵~ 其實精華既設計, 我真係覺得好緊要架, 因為一支好既精華, 朝早護理, 溝濕粉, 敷 mask 前, 夜間護理, 一日可能會用上4-5次唔出奇, 所以有d細節位係好緊要架~

終於到講 Stempower 同埋 Skin Signature Eye Cream 啦~  其實一路都有用呢隻 eye cream, 不過就冇分享過~ 通常 cream / lotion 既護膚品都係鎖水比較出色, 所以用之前一定要用 toner/serum 先做到深層補水, 唔可以單搽架, 而呢2隻 face 同 eye cream, 配合按摩, 每日每晚用, 會見到膚質一路變透亮, 細紋, 毛孔都有改善, 而又唔會o笠架~ 

當然唔可以心急, 起碼要觀察自己皮膚2-3星期, 先會知係咪岩自己用架, 如果有時試用品份量少, 可以特別試o係乾既鼻位, 或者毛孔位置等~ 同埋要睇真係皮膚既狀態, 其實係朝早用清水洗臉之後先最真實架~~ 因為一件好既產品, 係應該持續咁去改善皮膚, 而唔係一次性好似化妝咁改變呢~  如果連自己試護膚品都好似廣告咁, 不停按摩, 打哂燈, 同埋因為產品本身搽完會有光澤效果比較, 當時係用上一段時間之後, 自己洗完臉, 睇下毛孔, 細紋, 暗啞有冇改善啦~

舒緩 溶解眼部殘妝 眼用蒸氣浴

花王 花香眼部蒸氣浴 (5片) 約$40 @ 莎莎

持續10分鍾有40度既舒緩, 其實呢個眼部蒸氣浴就好似一個眼罩咁樣, 亦都可以溶解眼部殘妝~

訓覺前用最正, 因為覺得好舒緩, 花香會令人快d訓著架~

平時多化內眼線, 都需要多用熱毛巾敷下眼, 會令殘妝唔會一直積聚, 而有機會發炎架~

夏天眼線溶妝問題

一直以黎, 最多人問既問題, 就係眼線點先可以真正做到唔溶呢? 當夏天既時候, 汗水令問題更加嚴重!! 

可以試下以下既方法, 試過就會知有冇效呢~

1) 遮瑕+眼部底霜 (eye primer) + 眼底碎粉

2) 眼線 (上內/外, 或者下內/外) : 可以試下唔好直接用眼線筆畫上, 用非常細小既化妝掃, 來回眼線筆頂部 6-8下, 沾取眼線再上, 可以令份量平均, 更改持久!

3) 眼影粉鎖定眼線 : 沾取少量眼影粉, 輕輕按壓o係已經畫左眼線既位置, 份量唔好貪心, 先上一次, 之後再上第二次.

4) 眼睫毛 :  捲曲既眼睫毛令睫毛有弧度, 所以唔會因為眨眼而令眼線慢慢溶到眼底.

5) 下眼線 :  用自然淺色 (啡色/肉色/金色/白色等) 晝好內眼線, 可以用肉色, 粉紅色, 金色, 白色等畫眼睛近前眼頭1/3 (亦可用幼身遮瑕筆), 近眼尾用深一點都可以. 咁樣做就會某程度上隔住眼水. 之後再掃上類似顏色既眼影粉上已晝下眼線既位置.

6) 下眼睫毛 :  可因喜好掃上.

7) 再上碎粉 :  check 一下眼底有冇因之前上眼影粉到眼線位置而跌落眼底, 如果有就用乾淨掃先掃走, 之後再薄薄上一層碎粉o係眼底, 要特別留意眼底既眼頭同眼尾位置~

用細小既化妝掃來回掃眉筆, 都可以畫出自然既眉喔~

呢個方法當然比起只想晝一條眼線就可以多d野要做, 但係為左要真正做到眼線唔溶落眼底, 而又自然既眼線, 花多少少功夫都係值得架~



唔想因為紫外線加速皮膚衰老, 又想有夏天健康膚色既感覺?

唔想因為紫外線加速皮膚衰老, 又想有夏天健康膚色既感覺, 可以用有輕微閃粉既 bronzer~
想極速求瘦面, 影相有好既效果, 就要用鬆身既化妝掃加啞色既 bronzer啦, 輕易造出自然冇閃粉既陰影~
NYX TWBP04 $150
NYX Matt Bronzer $110
Milani Tantastic $180
L.A.Colors Bronzer $48

www.facebook.com/2mmmakeup
email : 2mmmakeup@gmail.com

夏天想打光影, 突出輪廓, 鼻樑, 蘋果位, 但係唔想令人覺得有油光, 唔整潔?

夏天想打光影, 突出輪廓, 鼻樑, 蘋果位, 但係唔想因為一般 highlight 入面既閃粉影響, 而令人覺得有油光, 唔整潔既話, 可以試下用啞身既 highlight 粉, 或者淺色遮瑕液! 仲可以加o係眼頭,或眉骨位, 造出自然既 highlight喔~ 特別係鍾意自拍既女生, 用啞色 highlight, 就唔會再有油光滿面既感覺~

NYX HD Concealer CW02 $75
NYX ES02 $60
www.facebook.com/2mmmakeup
2mmmakeup@gmail.com

牛爾老師研發 Naruko 化妝水 凍膜

台灣女人我最大既牛爾老師研發既品牌 Naruko, 夏天用真係超級好用呀!!
特別係天氣熱, 每晚開冷氣, 就會好易抽乾皮膚, 試左大半個月, 用呢個牌子既保濕水加凍膜, 皮膚好保濕, 好滑, 第二朝起身, 仲唔會因為乾而出油~ 加上非常非常抵買既價錢, 真係好值得一試呀!! 始終任何護膚品都係要親身試過o係自己既皮膚一段時間先知岩唔岩自己用, 所以最緊要都係要試!! 咁係咪淨係呢個牌子先work呢? 當然唔係喔!! 所以可以試下用呢個方法, 用現有既牌子都得, 但係效果會唔會一樣, 就要自己分別試過先知~ 最最最愛呢個牌子係因為佢保濕得黎, 一d都唔會笠, 基本上吸收之後, 係唔會feel到有搽過野架!! 但係就好滑好保濕!! 始終認為牛爾老師係台灣人, 出既產品亦都因應亞洲氣候研發, 而香港同台灣氣候相似, 所以特別適合香港氣候!  而牛爾老師亦都講過有研究證明, 凍既護膚品, 除左舒緩, 會更加有效同埋穩定傳送養分到肌膚底層!!

用法:  晚間-->保濕水-->精華-->眼部精華-->眼霜-->凍膜(放雪櫃)
用法:  早上-->清水洗面-->保濕水-->精華-->UV眼霜-->防曬或有UV既日霜
* 夜晚有需要當然可以搽左cream/lotion先再搽凍膜, 但係我個人認為唔需要,  因為好既精華, 應該已經好夠, 再加凍膜就會lock住水份~
*而朝早有需要都可以搽左cream/lotion先再搽防曬, 因為夏天天氣熱, 唔想增加皮膚負擔, 有搽精華同埋有保濕既防曬已經夠~

所有產品都冇parabens (防腐劑), 頂級成份, 平實價錢, 每個紙盒都好有意思, 好環保, 可以變做卡片盒, 筆筒, 白玉蘭系列20%營收仲會損比[TVBS 關懷台灣文教基金會] 做貧困兒童助學金架!! 想睇多d資料, 可以去以下官方網站~
http://www.naruko.com.tw/shop/

NT$299 至NT$329 @ 台灣屈臣氏 (有時仲會有買一送一!!) 約港幣HK$80-90
Naruko 紅薏仁超臨界美白晚安凍膜 60ml (前左)
Naruko 紅薏仁超臨界美白化妝水 150ml (後左)
Naruko 森玫瑰雪耳晚安凍膜 60ml (後右)
Naruko 白玉蘭鑽采緊緻晚安凍膜 60ml (前右)

Neostrata Facial Cleanser & Gel Plus

http://www.neostrata.com.hk/about_neostrata.html

Alpha Hydroxyl Acids 係一隻植物因子，醫學界叫做果酸, 而 PHA 粒子結構大過 AHAs ，溫和不刺激，滋潤度比 AHAs 更高4倍，並同時擁有抗氧化功效，特別適合敏感性皮膚及亞洲人。

(上圖右) Neostrata Facial Cleanser 4% PHA 100ml 約$150 @ 萬寧
(上圖左) Neostrata Gel Plus 15% AHA 100ml 約$190 @ 萬寧

夏天氣溫上升, 油脂分泌都會隨著增加, 第一步最重要就係做好清潔! 

其實識得用, 果酸產品真係好好用!  而且敏感皮膚都可以放心用, 想知更多詳細資料, 可以去上面條 link 睇下~

用完 Neostrata facial cleanser, 雖然冇泡, (其實冇起泡劑仲安心), 但係都會覺得非常潔淨, 洗面時加少少輕力按摩, 洗完之後會透白左, 而又唔會令到皮膚好乾~  長期用, 真係覺得暗粒, 黑/白頭都會少左好多, 大部份呢種問題都係因為油脂, 污垢形成, 皮膚潔淨, 毛孔暢通當然就可以預防好多皮膚問題, 而之後做好補濕, 毛孔亦唔會有污垢撐大, 預防始終好過做急救呢~

要毛孔暢通, 收毛孔, 退出污垢, Neostrata gel plus 就係好幫手~~ 用法仲好多架~
其實一直都唔相信面部磨沙產品既功效架~ 就算粒子再細都唔可能走入毛孔清出污垢~ 再加上磨沙後變滑都只係即時既錯覺, 因為污垢o係毛孔入面係條狀, 只可以最多磨走表面凸出既部份, 所以磨沙都係用番o係手腳輕輕磨走死皮啦~

當 mask 用, 可以洗面後, 搽o係有需要地方, 一般都會係 T 字位, 下巴, 鼻邊或毛孔較大位置, 初用可以先敷 5-8分鐘, 之後下次慢慢加至 10-15分鐘, 再加至 15-20 分鐘 (呢個係個人心得, 認為每用一隻新產品都要慢慢適應, 萬一皮膚有奇怪反應, 都唔會太嚴重~), 之後再用 clay/mud mask 深層清潔, 再做保濕 mask~

如果有未發起既暗蒼瘡, 可以每晚搽完保養品之後, 薄薄搽上o係發紅發腫地方, 消腫效果好勁架, 好多時基本上係可以抑制住暗瘡發出黎~

因為呢隻產品可以去除老化角質層，改善粗糙偏黃暗啞，回復嫩白亮澤既功效, 所以亦都可以搽o係手肘,腳肘,膝,背部暗粒等位置, 咁就唔會怕角質積聚, 有皮厚, 黑黑既手肘喔~~

MyLuxBox 4月份 (2012年)

5月份既 MyLuxBox :

Glamour Perfume & Fragrance

Euoko Neck Cream

La Roche Posay UVidea XL BB Cream SPF50

La Roche Posay Makeup Remover

Skindinavia Makeup Finishing Spray

Benefit The POREfessional

其實今個月既試用品都 ok 架, 最值得一提係個盒比起之前個盒細左少少, 希望 MyLuxBox 會一直留意下盒呢方面, 用細d既盒可以環保d~

因為我已經 cut 左 MyLuxBox 啦~ 原來如果之前買既時候係用 pay pal 比錢既話, 就算當時只係買 4 個月, 到期既時候會自動再過數架!! 因為已經過左數, 所以要o係 pay pal cancel, 同埋 email 去 MyLuxBox cancel 架!!  想 cut 既朋友可以試下提早 email 過去, 咁或者唔駛又要 cancel pay pal, 又要 cancel MyLuxBox, 又要等 refund (雖然好快)~

膝原紀香愛用既 B12 Vitacreme

B12 Vitacreme Vita Blanc 約$150

 Vitacreme B12 Anti-Aging Serum 約$300左右

因為膝原紀香愛用而爆紅既 B12 Vitacreme, 相信可能好多人都用過呢!  冬天時用呢隻 cream 真係幾夠潤呢, keep 住用2星期真係會覺得有d亮白效果, 但係夏天就真係用唔到呢~ 所以會改用o係頸部, 或者夜晚會o係特別乾既位置用少量.

同牌子既 serum 真係覺得冇咩特別呢~ 或者佢只係注重 anti-aging吧?

Nivea Q10 Anti-Wrinkle Eye Cream

Nivea Q10 Anti-Wrinkle Eye Cream 約$160@ 萬寧/屈臣氏/莎莎等

記得之前政府曾經出過一個關於市面上 eye cream 既報告, 曾經提過 Nivea 既 eye cream, 以親民價錢, 但係效果比起一d好貴既品牌都出色!  之後當然引起大家去搶購試下呢~

咁岩當呢個報告未出之前, 已經有用過呢隻 eye cream, 反而原因係因為佢有防曬呢~ 而朝早用既話, 係一d都唔會太潤而又可以某程度上保濕, 仲有防曬, 所以一直都會 keep 住回購喔~

記得好耐之前認識呢個牌子, 只係因為覺得 Nivea 既 lotion 特別香, 估唔到佢既 eye cream 會咁好用! 其實每個牌子都總會有d驚喜! 只要係一直去試, 搵到岩自己既產品, 就會可以搵到每個牌子既寶藏~

夏天不溶妝~~

夏天想持久不溶妝, 妝容貼服自然, 除了底層要夠保濕, 可試試不要再用手指做工具呢~

手指雖然方便, 亦有講法手指溫度令底妝更貼面, 其實面部溫度增高, 油脂分泌亦會隨著增多, 不到中午已經會溶妝呢~

還會有手指紋更會非常影響妝效, 持續推印只會加厚底妝喔~

建議試用化妝掃或沾濕的海棉上, 再記緊用碎粉定妝, 細緻的位置必定要用小掃定妝, 亦可用小掃加強在毛孔位置, 因為大碎粉掃不能接觸微細位置, 根本沒有定妝的地方 (如鼻邊, 眼底, 眼角, 臉頰兩旁毛孔較粗位置, 咀角等), 當然很快會覺得溶妝喔~

SK-II Facial Treatment UV Protection SPF 25

SK-II Facial Treatment UV Protection SPF 25

又講防曬呀~~ 防曬真係非常非常非常重要, 令皮膚老化既元兇就係紫外線~~
其實真係無意中買其他 SKII 產品既時候, 試過覺得幾好, 所以先會順便買, 質地比較薄, 對日本既防曬產品一向都好有信心, 呢隻仲要係 UV lotion, 雖然夏天好唔想搽咁多野, 所以橫掂防曬每日都一定要搽既, 咁夏天都會有適當既保濕, 皮膚唔會因為乾, 以致易出油而引起其他問題~ 因為諗住天氣熱就會試用, 所以都係近期先開始試. 除左之前介紹過 Dr.Wu 既防曬, 呢隻都 ok, 不過要比少少時間吸收, 冇 Dr.Wu 咁爽身, 而兩隻既保濕度, 就會以 SKII 較高少少.

價錢已經唔記得左, 大約係 $400 以下, 上 SKII 官網香港區搵唔到 (我明明o係SKII Counter 買...), 但係 SKII 官網美國區就有, 詳情可以去下面條 link 睇下 :


http://shop.sk-ii.com/uv-protection/radiance-enhancement/sk-ii-facial-treatment-uv-protection/00737052344737,default,pd.html?start=1&cgid=uv-protection&navid=uv-protection

多用途保濕水

保濕水類型, 特別鍾意玫瑰花水, 夠天然, 仲有舒緩, 亮白功效呢, 降紅, 敏感肌亦可以放心用~
當天氣潮濕, 轉熱, 一定一定唔可以少得玫瑰花水架~

一般除左可以當 toner 用, 沾濕化妝棉輕拍數分鍾, 已經會見到好水潤既效果!  仲有好緊要既用途, 用黎補妝前, 先噴一噴, 用紙巾印走油份, 再掃上碎粉. 就算冇化妝, 夏天噴下, 再印走汗同塵, 或者冬天乾時急救, 更加可以完全沾濕後, 用化妝棉放上全面當面膜用, 之後上妝更貼~ 當好累既時候噴一噴, 人都會醒d~

除左一般有機品牌, 其實市面仲有好多好多產品可以試下架~ 其實最緊要就係試, 同埋試, 同埋試! 哈哈! 因為唔係自己試過, 係唔會知岩唔岩自己架, 就算上網睇完幾多資料, 同試用文, 最後都要自己試, 因為試用後既效果每個人都唔會一樣呢~ 


Rote Fabrik - Rosy White Soothing Mist 玫瑰嫩白水 200ml 約$220 @ 卓悅
*無酒精, 玫瑰 / 綠茶精華配方
官方介紹 :  Rote Fabrik以德國玫瑰種植專家的名字命名，其栽培的玫瑰品種更屢獲殊榮玫瑰之王所栽培的優質品種
~ 無意中行街時發現既, 當時 Sherman 鍾舒曼都仲未做化言人架, 卓悅既姐姐介紹, 用過之後, 就繼續番去回購啦! 特別鍾意佢既花香好清新, 好水既質地, 放入小噴樽帶出街一流!

Sana Hadanomy Collagen Mist 骨膠原濃潤保濕噴霧 250ml 約$60 @ Sasa 莎莎 / Jusco
* 蜂蜜, 西印度櫻桃萃取, 帶花香味
~ 其實之前成日見呢隻日本牌子都未試, 後來o係網上見到盛女愛作戰入面既化妝師介紹, 價錢仲要咁平, 當然唔會放過, 又要去入貨試下啦~ 呢隻比較杰身, 但一樣好保濕架~

Sana Hadanomy Aquaplacenta Mist 90ml 限量版蛋白迷你噴霧 LIMITED EDITION* 約$50 @ @ Sasa 莎莎
* 蜂蜜, 西印度櫻桃萃取, 海洋胎盤蛋白, 帶白玫瑰花香味
~ 見到 limited edition 既野, 係要係心形咁得意, 梗係要買啦! 哈哈哈

MyLuxBox 4月份 (2012年)

1

收到4月份既 MyLuxBox, 今個月最特別就係枝化妝掃!  而最想開心既就係有 Caudalie 既 Serum!

4月份既 MyLuxBox :

Enita Cosme Wonderland - Cumcumber & French Melon 2in1 Shower Lotion (55ml)

Organic Essence - Purifying Cleansing Milk (30ml)

Caudalie - Vinoperfect Radiance Serum Complexion Correcting (10ml)

Sofei - Horse Oil Protecting Shampoo (35ml) + Protecting Hair Lotion (2 Capsules)

Lierac - Hydrofilia Fluid Body Cream (15ml)

MyLuxBox Eyeshadow Brush (其實似 concealer brush 多d)



枝掃係有印上 ''MyLuxBox'' o係上面~ 

仲有一隻已經溶左既 Easter Egg Chocolate~ 哈哈

其實仍然係好覺得唔需要用兩個盒, 同埋咁大個盒, 真係超唔環保呢~~

5月份係最後一期 MyLuxBox, 仲係未決定會唔會再訂, 由 2, 3, 4月黎睇, 其實可能只係有3-4樣野係會好想試之外, 其他既野, 都係冇咩驚喜~  不過都好享受每個月都比自己一份驚喜呢個 concept~



Colette Red Wine & Champagne Mask 紅酒 香檳 面膜

(左:紅酒 透明淺紅色/右香檳 透明淺黃色)

台灣 Colette Red Wine & Champagne Mask 紅酒 香檳 面膜 75g $138

Colette Red Wine Mask 紅酒多酚超水嫩美白抗氧化面膜

Colette Champagne Mask 香檳超水嫩鎮靜舒緩面膜

有興趣既朋友, 想睇詳細資料, 可以到官網睇下喔~

www.colette.com.hk

最初接觸 colette 呢隻 mask, 記得係有一次無意中o係網上見到有 blogger 話好用, 而當時某d網站做特價, 印象中好似係差唔多半價呢~

其實只係抱住想試下既心態, 就填 form 訂左, 當時既 promotion 會直接寄到填入既地址, 好方便架~

我既用法, 亦都係放雪櫃, 洗完臉, 沖涼前搽上, 沖完涼後, 用濕既厚身洗面海棉輕輕抹去~

Champagne 香檳真係比較出色呢~ 真係覺得好鎮靜既感覺, 氣味好 relax, 效果比紅酒明顯, 當皮膚有輕微敏感或者微紅, 用完之後, 真係好舒服架~ 保濕度覺得ok, 亦都會有少少淨白既感覺~

DR.WU VC抗氧美白防曬霜

DR.WU VC抗氧美白防曬霜 SPF35 *** 30ml 約台幣$600 @台灣屈臣氏 (約港幣百多元)

(包裝盒說明:
三重防曬機制，吸收、反射、分散紫外線UVA與UVB對肌膚的傷害，維他命C衍生物，可干擾黑色素的生成，達到美白效果。每日早晨使用VC抗氧美白防曬霜，避免陽光、紫外線的傷害，同時兼顧美白的保養效能)

每日都有搽防曬既習慣, 所以會一直試, 希望搵到又爽又保濕, 最重要就係, 之後如果要化妝, 搽上 base 或 粉底都唔會起擦子膠碎既防曬!

其實 DR.WU 既防曬, 我都試過佢既 basic 系列, 但係會比較冇呢隻咁爽, 呢一隻推開要快手, 但係真係好爽, 亦都唔會令到皮膚變左好白, 但係因為好爽既質地, 好似某程度上有少少霧面既感覺!

韓國牌子 innisfree Blueberry Firming Mask/Volcanic Pore Clay

innisfree Blueberry Firming Mask 100ml
即時會見到亮白效果呢, 保濕都非常好, 特別係加入幾滴 B5 精華之後, 真係超保濕~
innisfree Volcanic Pore Clay 100 ml
呢個係當時 innisfree 老闆娘極力推介, 清潔能力都 ok, 但比較鍾意 blueberry mask 既效果~
(購自韓國, 應該係 HK$100 左右~)

可以搽上面既 gel / cream mask, 始終覺得比起 paper mask 更加照顧到全面皮膚, 最最最起碼, 一定可以覆蓋到鼻邊, 眼下 (用比較溫和, 或者眼部專用既 gel / cream mask), 眼角, 咀角等位置呢~ 所以我特別鍾意 gel / cream mask, 我會繼續介紹下其他牌子架, 大家得閒就留意下啦~

保濕用既 mask, 可以長期放雪櫃架~ 凍既 mask 可以幫助皮膚降溫, 收細毛孔架~

o係洗臉後, 沖涼前搽上 gel / cream mask, 就可以利用埋浴室既蒸氣, 令皮膚更加吸收精華, 效果好大分別, 而時間亦岩岩好呢, 用盡每分每秒, 唔駛另外搵時間做 mask, 前後大約15-20分鐘, 沖完涼, 用軟身潔臉海棉濕暖水抹走, 再用凍水輕抹/印多幾下, 就可以有效收番細毛孔, 再緊貼呢個皮膚最吸收既黃金時間, 搽保養品, 持續一段時間, 如果一星期每日都咁做, 就已經會見倒好明顯既分別呢~

保濕 mask 其實每日做都冇問題, 而深層清潔既 clay / mud mask, 冬天每星期一次, 夏天每星期一至兩次就 ok 啦, 但係當然要睇番每個人既皮膚狀況而定喔~

更加快既方法, 係當要做深層清潔+保濕 mask 既時候, 可以先搽 clay mask o係 T-zone, 下巴比較需要深層清潔既位置, 再o係其餘位置搽上保濕 mask, 而已經搽左 clay mask 既 T-zone 位置亦都同時薄薄搽上保濕 mask (唔係沖涼時做 mask 既話, 可以令 clay mask 唔會乾得太快, 而又可以同時保濕, 而其實o係沖涼時做 mask, 蒸氣亦會令 clay mask 唔會變得太乾, 太乾既話, 除左會難抹走, 亦會令局部皮膚抽乾水份呢)

MyLuxBox 3月份 (2012年)

(***張相掉轉左呀!!點都轉唔番正常!!唔好意思呀!!)

上星期收到3月既 MyLuxBox啦!!  當上個月冇咩感覺之後, 今次既野又覺得幾好呀~
真係有D又愛又恨既感覺, 雖然知道未必次次都岩自己, 唔岩既時候, 當然會有D失望, 但係當岩既時候又覺得好開心有得試自己想試既野呀!

好似今個月咁樣, Benefit 新出既 foundation, 同埋 Dr.Ci:Labo Aqua-Collagen-Gel 都一直想試, 但係因為不停都會有太多野想試, 所以自己心入面好似有個 list 咁, 一直都試唔完, 亦都試唔哂咁多野喔~

天氣開始暖既時候, 就最可以試出粉底既持久同貼服度, 質素唔好既粉底, 真係會好快溶哂, 又或者係好似唔搽好過搽咁, 哈哈~

3月份既 MyLuxBox :

Benefit Hello Flawless Oxygen Wow SPF25 PA+++ Brightening Makeup 5.0ml (如果唔岩色可以去換色架) Col.Cheers to me Champagne
Dr.Ci:Labo Aqua-Collagen-Gel Super Moisture 10g
Burt's Bee Lip Shimmer Col.Caramel
Befine Food Skin Care Night Cream 15ml
Body Care Firming Formula 4.5ml
Body Care Exfoliating Formula 4.5ml
Jasmin Ceritified Organic Eco-Cellulose Face Mask Anti-Ageing and Moisturising 1 pc

Fasio Eyebrow Mascara Waterproof 眉gel

舊版日本開架品牌 Fasio Eyebrow Mascara (Waterproof) - Light Brown 321 - 價錢唔記得左, 新版係$68, 所以應該係咁上下~哈哈

眉妝係非常非常重要, 可以影響到望落去精神好多, 整潔d, 好多女生都應該試過o係冇咩化妝既時候, 做好眉毛, 掃少少胭脂, 搽d唇膏, 帶番副粗框眼鏡, 已經可以睇落精神好多架~

化妝就係咁有趣既一件事, 少少改變, 少少步驟, 想成日都有唔同既感覺, 就要花多幾秒~

粗粗既眉毛, 唔再起角, 已經流行左好多年, 而顏色亦都流行比較淺色, 想做出既效果, 都係希望望落會柔和d, 時代感重d, 會平易近人d, 會青春d~

眉毛既顏色通常都會比頭髮顏色淺一至兩度係最自然, 有d人會選擇染眉, 而最最最方便既做法, 就係用眉筆, 加眉粉, 加眉gel 就可以做到~ 因為當用眉筆, 眉粉都係啡色既時候 (而家多數都係會用啡tone, 如果係紫紅色頭髮, 可以加入少少紫紅既eyeshadow 做中和.), 但係眉毛仲睇得出其實係黑色既, 咁就會有怪怪既感覺, 呢個時候, 刷上少少眉gel, 就會變得好自然喔~

 



新版 Fasio Eyebrow Mascara (Waterproof) - $68 @ Watson's

BR300 適合頭髮比較深

BR301 適合頭髮比較淺

細心既朋友可能會留意到, 新版連個刷頭都改左架!! 好似舊版方便用多d呢! 因為類似螺旋刷頭, 會比梳形刷頭, 更加易用, 同埋真係可以只掃o係眉毛上面, 唔會咁易沾到皮膚喔~

Blending Set!! 暈染組合！NYX Black Eyeshadow + Sigma Eyeliner Brush 特價$135

**由於反應熱烈, 再度推出**

Blending Set!! 暈染組合！NYX Black Eyeshadow + Sigma Eyeliner Brush 特價$135

只限2月29日前留貨，數量有限！

可預約門市交收或銀行過數後郵寄，價錢已包平郵！

2mmmakeup@gmail.com

皇牌打底組合！elf Eyeshadow Primer + NYX Yellow Concealer 特價$120

**由於反應熱烈, 再度推出**

皇牌打底組合！elf Eyeshadow Primer + NYX Yellow Concealer 特價$120！

只限2月29日前留貨，數量有限！

可預約門市交收或銀行過數後郵寄，價錢已包平郵！

2mmmakeup@gmail.com

NYX Jumbo Pencil 深啡或紫色 特價$60

**由於反應熱烈, 再度推出**

NYX Jumbo Pencil 深啡或紫色 特價$60！可做眼線或打底！

只限2月29日前留貨！數量有限！

可預約交收或銀行過數後郵寄，價錢已包平郵！

2mmmakeup@gmail.com

Sigma Brush 化妝掃~ HK ~!! Sigma Beauty / Brushes Representative HK

Sigma Brush 化妝掃~ HK ~!!

SIGMA HK 代表, 尖沙咀門市交收, 信心保證!! 可以摸清楚化妝掃毛質, 小心 check 清楚產品呢!

***需要先預約交收喔***

訂購 / 查詢 / 預約交收 請 email 到 2mmmakeup@gmail.com

請到我們的 Facebook Page ''like''一下, 會不斷有新既 Sigma 產品 update, 同好多美容扮靚資訊架~

Facebook Page : www.facebook.com/2mmmakeup

We are the representative of Sigma Beauty / Brushes in HK, we offer face trade at retail store in Tsim Sha Tsui, where you could test and check the products carefully!

For pre-order / inquiries / make appointment for face trade, please email to 2mmmakeup@gmail.com

Please go to check out our Facebook Page www.facebook.com/2mmmakeup for non-stop updates of Sigma new products and beauty news!