2mm's Makeup 愛.化妝愛.美食愛.分享

Pond's Cleansing Oil 卸妝油

Pond's Cleansing Oil $79 @ Mannings / Watson's
Washing Sponge $9 @ 2mm's Makeup

用法 :
1) 乾手 pump 出約 4 下卸妝油, 先輕輕搽勾全臉, 再到眼部 (如果係濃妝, 眼要先用眼部卸妝油喔)
2) 手要濕水, 再輕力全臉按摩, 動作由下向上, 到眼部要小心及輕力, 唔好拉扯或太用力.
3) 之後可以用雙手潑水上面, 直至完全清潔! 如果想細緻d既話, 可以用海棉 (如上圖) 濕水, 先抺眼部, 再到其他臉的位置, 之後再過水.
4) 再用可以起泡既洗臉產品, 再洗一次臉.
5) 之後搽上 toner, serum 精華, eye cream, lotion, lip balm 潤唇膏等

卸妝係非常非常非常重要!! 卸妝油有好多唔同牌子都有出, 以前一直都用開 Fancl 既卸妝油, 當 Pond's 出左卸妝油之後, 當然係繼續抱住我鍾意試新野同好奇既心態去試下啦!! 點知........

試過藍色同埋黃色, 我覺得藍色好d既原因, 係因為黃色對我黎講, 係比較刺眼, 同埋有香味, 而我一路用一路吸入香味, 會好似覺得自己吞左d卸妝油咁 (當然事實係冇啦..哈哈)

再加上價錢真係好抵用, 所以通常萬寧一減價, 都會入定兩支架, 因為減價時, 買兩支或滿某個價錢會更加抵架. 無論有冇化妝, 就算只搽防曬都一定一定要用卸妝油, 再洗臉先乾淨架! 加上香港人多車多 (呢句好 old school 哈哈), 點可能唔洗乾淨d呢, 防曬溝護膚品溝每日既塵垢, 係絕對會阻塞毛孔, 同埋對皮膚做成負擔, 再加上冇乾淨既皮膚, 之後搽咩護膚品都冇效用呢~

最有效潤唇膏 Elizabeth Arden 8 Hours Cream

Elizabeth Arden 8 Hours Cream Skin Protectant 約 50g $130 @ Sasa 莎莎 (上圖大支裝)
睇落係橙色透明, 但係搽勾之後係透明.

用過無數咁多隻潤唇膏, 亦試過用 Vaseline 凡士林, 但係最後只係得一隻最 work, 就係 Elizabeth Arden 8 Hours Cream Skin Protectant!!

其實佢係一隻多用途既 cream, 好滋潤既質地, 但我只會用係唇上面, 我本身咀唇係好乾, 基本上一年4季都係咁乾, 會脫皮!! 朝早用完呢一隻 cream, 到食完 lunch 之後再補搽都冇問題! 一支大既可以用到幾年架!!

如果冬天嚴重脫皮, 可以試下用暖水沾濕咀唇, 再厚厚咁搽上 8 hours cream, 10分鐘之後, 再用柔軟手指或棉花棒, 打圈推走死皮, 再上一層 8 hours cream, 就會好似冇脫過皮咁架~

夜晚訓覺前, 搽一層, 第朝起身, 咀唇會好似飲飽水咁樣!