網購推介 : www.zalora.com.hk

身邊好多朋友都鍾意 online shopping 網購, 因為太方便, 慳時間, 仲可以先格價,  睇清楚款式, 唔受天氣, 時間影響,通常等幾日, 就會送到~

好多時大家都會傾下, 邊個網站買野好, 今次就為大家介紹一個有齊衫, 鞋, 袋, 運動衫, 運動用品, 配飾 (accessories) 既網站 www.zalora.com.hk, 相信好多人都已經喺 Facebook, YouTube 見過佢既廣告 banner~

雖然 Zalora 出現左一段日子, 但係近期我發覺佢推出左購物 APP, 想隨時睇下有咩新貨就更加方便啦~ 分類好清楚, 非常易用, 價格都好清晰~

加上 Zalora 喺好多城市都有, 所以對佢更加有信心~  用信用卡, 或者 Paypal 付款, 有問題仲有 30 days return policy~

手袋有 28 個牌子, 包括外國 Aldo, 款式真係唔差既自家品牌 Zalora 等

鞋子有約49 個牌子, 包括 American Apparel, Birkenstock 等~

最驚喜係連 New Balance 都有 (其他運動牌子仲有13 個)~

衫牌子有 OL 最愛 Bread N Butter 等 59 個牌子~

連 BIKINI 都有架, 仲經常有折扣~

夏日粉底推介 Vidi Vici 新推出既 Fitting Foundation 唔乾又持久~

 

Vidi Vici 既創辦人係著名既韓國化妝大師, 相信大家都知道, 合作過既名人明星有李英愛, 金喜善, 宋慧喬, 崔智友等, 所以對佢既底妝產品都會未用已經認為應該會係好高質素, 今次介紹呢隻 Fitting Foundation, 真係超級好用呀~~~~

 

Vidi Vici

Fitting Foundation (Light Fitting & Hydra Effect for Perfect Skin)

SPF15 PA+

 

@ Seibu Langham Place Counter (西武旺角朗豪坊商場) $580 / 30ml

 

Vidi Vici Anti-Aging 抗老 嗰隻粉底會厚身少少, 而呢隻新推出既 Fitting Foundation 唔乾又持久~

 

妝前 :  夏天上粉底前, 可以盡量避免用cream狀太滋潤既保濕cream, 因為會加快溶妝, 所以, 可以先用精華做好保濕, 再上爽身d既防曬, 眼部當然一定要用精華及眼霜打底, 之後就可以上濕粉底+透明碎粉 (Finishing Powder)

 

質地 :  保水輕盈, 上面好快會變爽, 唔會笠, 超乾皮膚都岩用, 伸展性好高, 1揼已經好足夠

 

遮瑕度 :  中度遮瑕, 一般紅印, 微絲血管都遮得好好, 黑眼圈當然要另外用眼部遮瑕, 如果冇先把眼圈調色, 用粉底當遮瑕的話, 就會變白眼圈, 而有d粉底係控油, 所以更加唔可以用o係眼底架~ 

 

持久度 :  乾性皮膚 6-8個鍾都仍然完好, 油性皮膚約 4-6個鍾, 出汗出油當然要輕輕印走, 有需要補少少遮瑕, 再補上透明碎粉啦~

 

 

 

圖中份量只係比大家容易d睇到質地, 已夠用3塊面^^

 

 

因為好快會變爽身, 需要盡快推開, 用手會不平均, 所以建議用濕粉掃.

掃開後明顯見到微絲血管變得不明顯, 但係好透薄~

 

 

 

Bioderma Sensibio H2O 深層卸妝潔膚水 別注版套裝

 

*深層卸妝潔膚水 別注版套裝 $228 (價值$389)

*深層卸妝潔膚水 Bioderma Sensibio H2O

500ml 泵裝 一支 (其實個泵頭麻麻地好用呀, 好易整到週圍都係, 反而普通頭唧出黎更加好~)

100ml 一支

*深層再生防敏面膜 Bioderma Sensibio Mask (15ml) 一支

*輕便卸妝棉

Bioderma 卸妝潔膚水同再生防敏面膜一向都有用開, 所以呢 set 真係好好, 細支卸妝潔膚水同再生防敏面膜方便去旅行用呀~~

其實 Bioderma 經常都會推出唔同既 set 裝, 而萬寧都會好多時有 promotion 架, 感覺上比起買水貨會更加安心~

用法 :

我會先用眼部專用既油水兩層卸妝水落眼妝~

其實就算有用落妝油同潔面產品, 最好都係之前先用潔膚水抺 2 次, 因為經過一日, 面上一定好多塵埃, 油脂, 如果直接用落妝油打圈, 其實就等於塵埃, 油脂都一齊o係面上游走+.+

咁點解抺 2 次呢, 因為第一次先唔好打圈抺, 順毛孔, 咁就可以先帶走塵埃, 油脂, 第 2 次再打圈抺, 咁就進一步清潔埋毛孔~

如果面上既妝唔濃, 可以直接用潔面產品, 如果濃就最好再用落妝油再清潔一次~

如果平時只搽防曬, 少量碎粉既日子都要先落妝架, 咁落妝水就最方便~

 

 

 

Nivea Age Defying Q10 Plus & UV Filters Hand Cream (Anti-Wrinkle)

Nivea Age Defying Q10 Plus & UV Filters Hand Cream (Anti-Wrinkle) 100ml $36.90
Nivea Essential Care Lip Moisturizer 4.8g $22.90
@ 萬寧/屈臣氏/莎莎/卓悅/百佳等

www.nivea.com.hk

 

一向都認為 Nivea 呢個牌子係又平又有效, 之前都介紹過佢好出名既 Q10 Eyecream, 今次講講佢既 Hand Cream 同埋潤唇膏~

 

 

佢既經濟價錢加質素已經一向都係品牌既吸引之處, 同埋週圍都好易買到! 連去百佳買野, 都會順便睇下佢有d咩 products.

 

 

呢隻 hand cream, 最重要就係佢有 UVA/UVB filters!! 因為講緊既係防衰老, 班點, 減淡細紋既功效, 又點少得防曬呢~ 質地係好易推, (有時真係會買到一d比較實淨既質地既 hand cream 架) 雖然係滋潤, 但係大約1分鐘後就唔會笠, 呢點非常重要~~~ $30幾蚊一支有質素既 hand cream, 真係好值得快d買黎試~~

 

有用過 Nivea 既朋友, 唔知大家覺唔覺得 Nivea 既產品, 係有種自家既香味, 而呢隻 hand cream 都有, 不過淡d, 或者係唔想加太多香料啦~ 

 

* 睇下呢張相, 好多時大家都會忽略左一個位置好易會因為平時郁動而有細紋, 當然年輕肌膚有彈性會冇咁現啦~ 可以睇到紅圈位置有明顯既細紋喔~~

 

* 再睇下紫圈既位置, 搽左呢隻 hand cream 之後, 細紋的確有明顯減淡左, 呢個位置既細紋, 真係唔係每隻 hand cream 都可以減淡架~ 搽開手, 記住搽埋頸部呀~~ 預防一定係好重要架, 所以搽 hand cream 既習慣真係要 keep 住架~





*再睇睇潤唇膏, 都係可以減淡呢個難搞既細紋位置~ 上唇既感覺係好水好水架, 好岩帶出街補搽~

多款熱爆韓國領片裝飾 Lace Collar Accessories

多款熱爆韓國複古領片裝飾 Vintage Lace Collar Accessories

適合不同季節 不同型格

歡迎查詢現貨及訂購

2mmmakeup@gmail.com

 

 

 

 

日系複古短勾花披肩

上領圍70cm 下圍130cm 約長：24cm

 

 

 

 

#N006

長約70cm

 

#N007

長約40cm

護膚品設計?

之前提過精華既設計, 我真係覺得好緊要架, 因為一支好既精華, 朝早護理, 溝濕粉, 敷 mask 前, 夜間護理, 一日可能會用上4-5次唔出奇, 所以有d細節位係好緊要架~

其實設計對任何護膚品都超重要, 每日都要用既精華, lotion, eye cream, 防曬, 如果設計可以更加照顧到用家既需要, 就會好方便衛生啦~

今次就搵一d唔同既設計比較下啦~

上 (左至右) : 
Dr. Wu UV Whitening Cream SPF35 UVA***
~ 支裝設計好衛生, 頂部仲可以扭出, 所以做到盡量唔會浪費.
SK-II Facial Treatment UV Protection SPF25 PA++ 
~揼裝最衛生, 但係點都會有少少o係底部揼唔哂出黎.

下 (左至右) : 
SK-II Skin Signature Eye Cream
~ 開口好大, 客易有細菌, 雖然有小匙代替用手指防染污產品, 小匙亦要每次用前用後清潔, 亦要諗下小匙放邊度, 我通常會用玻璃小杯放小匙~  如果設計有位卡住小匙, 或者係揼裝, 支裝就更加好啦~  但亦有用家會覺得揼裝或支裝唔可以用盡所有產品既~

Cellbone Hydra B5+
~ 滴管式設計當然好啦, 想講既係黑色揼位好沾塵既物料, 就算點抹都仲會有塵, 或者用酒精先可以清潔得好d~扭動位都有防滑直紋~

Dr. Wu Advanced Hydrating Serum with Vitamin C
~ 都係滴管式設計, 白色揼位唔易沾塵架, 扭動位都有防滑直紋~

DreamSkin Element-100 Anti-Aging Q10 Effector Serum 
~ 呢隻韓國品牌既精華真係好好, 滴管式設計, 白色揼位唔易沾塵架, 扭動位都有防滑直紋, 再加上一個透明蓋, 好細心, 好衛生呀~

SK-II Cellumination Essence 
~ 滴管式設計, 白色揼位好易沾塵, 扭動位冇防滑直紋~

Lancome Visionnaire Advanced Skin Corrector
~ 揼裝設計, 有蓋, 好衛生, 但係樽身唔易睇到會唔會用到底~

雖然邊種設計都有好同唔好既地方, 但係始終覺得揼裝最方便衛生~

平價面膜都可以深層保濕?



最初認識彩豐行, 其實係因為佢最出名既沐浴露 --> 蔗糖特滋潤沐浴露, 因為好既產品絕對會人傳人架:P, 聽講冬天太乾燥而敏感既人, 好多人試過都work~ 試過後, 覺得呢個平價本地品牌好抵用, 玫瑰花水沐浴露仲更加正, 鍾意佢既香味同埋唔會乾~

 

之後繼續試過好多野, 佢既12杯水滋潤啫喱都唔差架, 但係當然亦有好多試完唔覺得岩用, 或者唔覺得好用既野啦~ 特別係彩妝系列就真係仲有好大既進步空間呢~

 

一個月起碼都要敷1-2次軟膜, 因為大家都知佢可以隔絕空氣, 逼精華入底層, 舒緩, 降紅, 收毛孔, 等等~ 其他時間當然都要勤力敷其他mask啦~

 

先搽底霜, 或者自己最鍾意既保濕/美白精華, 用啫喱水加入面膜粉攪拌, 試多幾次就會捉摸到要加幾多先會令軟膜易上面又唔會滴落黎~

 

眼週可以先搽 gel 或 cream 狀既 eye mask, 之後全面至頸部上軟膜粉, 太約20-25分鐘, 可以由下慢慢向上撕, 如果時間太長, 軟膜變好乾, 撕既時候就會碎開變一粒粒架, 所以最好唔過25分鐘~ 如果有少少殘留, 就用濕既洗面海棉慢慢清潔~

 

做完之後, 皮膚會好soft, 所以要緊貼用番toner, 精華, gel或cream鎖住水份~

 

Joseristine 青瓜滋養軟膜粉 60g $5

Joseristine 膠原蛋白軟膜粉 60g $5

Joseristine 金縷梅收毛孔軟膜底霜 240ml $58

Joseristine 蘆薈啫喱水(軟膜粉專用) 500ml $58

 

非常有效而有方便既蘆薈 gel~ 試過好多隻, 暫時覺得呢隻真係好好好好用~

沖涼前搽上精華, 再上呢隻 gel (放雪櫃效果最好), 用面膜掃上最方便, 沖完涼用洗面濕海棉抹走~

降紅, 保濕, 舒緩效果好好~~ 再緊貼用番toner, 精華, gel或cream鎖住水份~

 

亦可以先加 clay mask o係T字位, 再上 gel o係其他位置, 同埋薄薄加o係已上clay mask 既位置, 做埋深層清潔架~

 

Nature Republic Aloe Vera Soothing Gel 300ml 韓國買入約 HK$50 以下

 



 

 

面膜粉加入啫喱水攪拌後-->

 

超級好用既 我的美麗日記 黑珍珠 面膜 約$55一盒

 

試過好多平價 paper mask, 真係好多都又笠又保唔到濕, 有次無意中買左呢隻黑珍珠面膜, 又發現又平又好用既野呀~~

 

試過就算用之前唔搽精華, 都一樣做到保濕, 降紅, 透白!!  但係當然最好搽左精華先做啦, 因為反正都係要用時間敷, 梗係要加強效果啦:p

 

因為真係好水, 所以通常可以慢慢敷 30 分鐘, 之後再按摩, 吸收之後, 皮膚好柔軟, 又唔會笠架~  如果覺得開始乾就要取下啦, 跟住就記低時間, 如果覺得乾既時候係25分鐘後, 下次就最好20分鍾就取下啦~  其實要睇自己皮膚可以接受到敷幾耐, 如果面膜夠水, 耐少少效果會好d架, 護膚係唔會有絕對, 最緊要慢慢試出岩自己既方式, 就可以一路keep住質素好既皮膚啦~

 

如果好耐先做一次 mask, 效果一定唔持久, 唔會一直都可以 keep 住皮膚既質素, 想保持狀態既話, 唔係有咩特別事先連續敷架~  每星期最好都連續敷 4-5 日, 搵方便自己既時間, 變成一個習慣之後, 就算突然因為太忙而敷少左, 皮膚都唔會太差嘛^^