Hada Labo 肌研極潤系列

肌研呢個牌子係美國曼秀雷敦公司共同研發既, Hada Labo 極潤系列含豐富超級透明質酸，可以迅速滲透肌膚底層，加速被皮膚高度吸收，柔軟膚質，並在表皮層鎖緊水份，令肌膚即時展現水嫩美肌,舒緩乾燥肌膚, 弱酸性、低刺激性、不含香料及油份.

呢個牌子既保濕水已經用左好多好多年, 無論試用緊其他牌子既任何產品, 都覺得屋企唔可以少左佢架!!

當皮膚好乾, 或者敏感既時候, 肌研真係好有效架, 只要連續早晚用兩日, 已經可以救番好乾既皮膚!!  平時可以用黎做 mask 既打底, 或者洗面後第一層防護!

用法最好係真係跟廣告一樣, 先倒係掌心, 再搽上面, 之後用掌心包住兩邊面太約5秒.

肌研既面膜都非常保水!! 一盒 4 塊, 連續用 4 日, 肌膚會有飲飽水既效果.

最最最重要係價錢好平, 但又有效!!

當然每個牌子唔會每樣產品都咁出色, 肌研既保濕乳液就唔太覺得好用喔, 上面會比較潤, 每個人既肌膚都係獨特既, 可能其他人會覺得好用, 咁抵既價錢, 肌研係好值得試既牌子.

肌研保濕水 (170ml) - $99.00 @ Mannings, Watson's, SaSa
肌研既保濕乳液 (140ml) - 約 $120.00 @ Mannings, Watson's, SaSa
肌研面膜 (一盒 4 塊) - 約 $79.00 @ Mannings, Watson's, SaSa