Thursday Plantation Tea Tree Medicated Gel For Acne 25g 約$100 @ Watson's 屈臣氏
透明 gel, 朝早上妝前, 可以薄薄搽上, 夜晚可以係洗面後厚厚搽上, 做 mask 前 (cream/gel/paper mask) 前都可以厚厚搽上, 再加上 mask 會加強滲透. 大約搽 4-6 次已經會大大咁消腫. 就算厚搽, 加上做 mask 前搽, 一支都可以用幾年架!! 因為暗倉位置只係好細既範圍嘛~
小 tips, 做深層清潔, 例如 mud mask 前搽上, 之後再做番保濕 cream/gel mask, 清腫效果最快! 洗 mask 既時候記得用弄濕既洗面 sponge, 慢慢輕力抹去喔!
暗倉往往會o係唔夠訓, 皮膚狀態差, 細菌攻擊, 油脂分泌唔平衡, 女性經期前, 又或者係當你有重要約會前就出現!!
有研究指出, 多做運動加速生陳代謝, 多食生菜, 都會可以解決隔唔中出現既暗倉!
當然係最緊急既時候, 一定要有最快最有效既幫手!! 市面上有好多茶樹精油, 有好多都係冇咩效果. 而呢一隻 tea tree gel, 係非常非常有效!
無論係發紅中既暗倉, 比蚊蟲咬, 厚厚搽上幾次, 可以盡快消腫, 加上定期有去 Reenex 膠原自生中心做 CPS TREATMENT 清潔皮膚同埋去角質, 基本上暗倉紅紅既時候搽上 tea tree gel, 係可以令佢唔會發出黎架~ 當然都要配合唔好食太多熱氣食物, 要夠訓啦, 咁身體亦都夠力去打退暗倉細菌!
無論o係屋企, 去旅行, 真係一定要佢帶係身邊架~ 價錢亦絕對比起幾百蚊以上聲稱專門對付暗倉既好好多!
沒有留言:
張貼留言