L'oreal Paris BaseMagique Transforming Smoothing Primer 雪葩底霜
約$110 @ Watson's
其實早係 2010 年都已經急不及待 post 過一篇 blog 講 L'oreal 呢隻 base, 但當時冇講得太詳細, 今次加埋當時亦都提過既另一隻貴價既 GoodSkin Tri-Aktiline 瞬間抗皺除紋霜再一齊講下~~
因為近期天氣經常''轉'', 有時好凍, 有時暖番, 有時乾, 有時濕, 皮膚亦會好易出狀況, 有時太乾出油嚴重, 有時又好似比濕氣包住塊面, 所以有好多人問我, 有咩 base 可以控油, 令妝容係潮濕天氣更加持久.
L'oreal 呢隻係好柔軟既質地, 用法係用少量打圈及推至最貼面為止, 一般用係調色/保濕 base 之後, 主要用係 t-zone 及面部近鼻兩旁毛孔較粗糙既位置, 之後再上遮瑕及粉底等, 無論之後上咩野, 最最最緊要係按上, 拍上, 唔好再推喔, 咁就唔會推走 base 做出黎既效果, 呢隻 base 的確係有霧面效果, 亦可以控油, 個妝會貼好多, 同 keep 得好耐, 減少需要補妝既機會架~
GoodSkin Tri-Aktiline Instant Deep Wrinkle Filler 瞬間抗皺除紋霜
約$390 @ Watson's
而呢一隻美國 GoodSkin Tri-Aktiline 瞬間抗皺除紋霜, 就比較適合用係有細紋既地方, 例如係眼紋或笑紋位置. 用法亦都係上調色/保濕 base 之後, 用手指頭, 因細紋較細, 可試用手指尾, 將少量既 base 慢慢輕輕點上, 再上遮瑕及粉底等, 無論之後上咩野, 最最最緊要係按上, 拍上, 唔好再推喔, 咁就唔會推走 base 做出黎既效果, 呢隻 base 亦係有霧面效果, 但因為唔會大範圍用, 所以好難評論有冇控油效果, 而聲稱可以o係4星期後, 令細紋減淡, 呢一點就有保留呢, 即時減紋效果, 就算幾好呢~
*請留意手指公上既手指紋, 沒有上任何產品 (包括 hand cream)
上左一層
上左兩層 (真人睇分別更大)
沒有留言:
張貼留言